News
Խոսնակի հրավեր
Մասնագիտական արհեստավարժությունը առաջնահերթություն է․․․
«ՆԻԿՈՄԵԴ» բժշկական կենտրոնի անձնակազմը 2023 թվականի մարտի 27-30-ը առցանց մասնակցություն կունենա Ֆրանսիայի մայրաքաղաք Փարիզում կայանալիք լյարդաբանական գիտաժողովին։
Մրցանակի արժանացած ստենդային պրեզենտացիա։
Դասախոսող՝ Հասմիկ Լևոնի Ղազինյան
Ստենդային պրեզենտացիա
Helicobacter Pylori detector
«ՆԻԿՈՄԵԴ» ԲԿ-ում այսուհետ իրականացվում է H. Pylori ուրեազային Շնչական թեստը 13C կամ 14C իզոտոպով։
Այն համարվում է ոչ ինվազիվ մեթոդներից լավագույնը՝ 95%սպեցիֆիկությամբ և 96% զգայունությամբ:
Անցկացվում է Առանց ցավի և անհարմարության՝ հետազոտության համար անհրաժեշտ է բերանով արտաշնչել հատուկ թեստի մեջ
Այն նախընտրելի ախտորոշիչ մեթոդ է նաև էռադիկացիոն բուժման էֆեկտիվությունը գնահատելու համար:
Pylori-ն մարդու պաթոգեն է՝ գրամ-բացասական մանրէ, որը փոխանցվում է մարդուց մարդուն՝ կենցաղ֊կոնտակտային ճանապարհով:
Այն բնակվում է մարդու ստամոքսի անտրալ շրջանում, և կարող է հանգեցնել քրոնիկական գաստրիտի, ստամոքսի և 12-մատնյա աղու խոցային հիվանդության, ստամոքսի քաղցկեղի, MALT- լիմֆոմայի (լորձաթաղանթի հետ ասոցացված լիմֆոիդ հյուսվածքի)։
Աշխարհի բնակչության կեսից ավելին վարակված է այս մանրէով, վարակի տարածվածության ցուցանիշը բարձր է հատկապես Հարավային, Արևելյան Եվրոպայի, Ասիայի երկրներում։
Ըստ «Մաաստրիխտի/Ֆլորենցիայի» ուղեցույցի վերջին վերանայման` H. Pylori ասոցացված գաստրիտն համարվում է ինֆեկցիոն հիվանդություն՝ անկախ գանգատների և բարդությունների բացակայությունից, և հայտնաբերման դեպքում պահանջում է բուժում յուրաքանչյուր պարագայում։
Այսօր H. Pylori ախտորոշման մի քանի եղանակներ են առաջարկվում. 1․ Ինվազիվ՝ ստամոքսի բիոպսիայից ստացած նյութի հետազոտումը.
• արագ ուրեազային թեստի միջոցով 24 ժամվա ընթացքում
• հիստոլոգիական հետազոտում
• մանրէաբանական հետազոտության՝ ցանքս:
2․ Ոչ ինվազիվ՝
• ուրեազային Շնչական թեստը C13 կամ C14 իզոտոպով
• կղանքում անտիգենի որոշում
• արյան մեջ հակահելիկոբակտերային հակամարմինների որոշում
Ուշադրություն։ Հետազոտությունից առաջ ցանկալի է կատարել գաստրոէնտերոլոգի խորհրդատվություն։
Անհրաժեշտ նախապայմաններն են՝
• Նախորդող 4 շաբաթում անտիբիոտիկներ, բիսմուտի պրեպարատներ և 2 շաբաթում հակասեկրետոր դեղամիջոցներ չընդունելը
• Հետազոտությանը ներկայանալ առավոտյան քաղցած, առանց ատամները լվանալու, բացառել ծխախոտի, մաստակի կիրառումը
• Հետազոտությունից առաջ սնունդ ընդունել առնվազն 6 ժամ առաջ
APASL School of Hepatology
Միջազգային հրավերք
Գիտաժողովի գլխավոր հովանավոր
«ՆԻԿՈՄԵԴ ԲԺՇԿԱԿԱՆ ԿԵՆՏՐՈՆ»
Միջոցառումը նվիրված էր արդիական կարևոր խնդրի՝ լյարդի ոչ ալկոհոլային ճարպային հիվանդությանը (լյարդի մետաբոլիկ ասոցացված ճարպային հիվանդություն ԼՈԱՃՀ/ԼՄԱՃՀ (NAFLD/MAFLD)՝ 21րդ դարի ոչ վարակիչ համաճարակներից մեկին:
Ներկայում աշխարհի ազգաբնակչության 25-30 տոկոսն արդեն տառապում է այս հիվանդւթյամբ, բայց դեռևս չկա սպեցիֆիկ բուժում: Հուսանք, որ նմանատիպ հարթակների ստեղծումը և միջազգային փորձագետների ընդհանուր քննարկումները կնպաստեն խնդրի լուծմանը:
Գիտաժողովի մասնակցում էին 500-ից ավելի բժիշկներ` մեր երկրի լյարդաբան-բժիշկները, տարբեր մասնագետներ, հյուրեր` 22 երկրի հայտնի բժշկական կենտրոններից, որոնք արդեն մեծ ներդրում ունեն լյարդաբանության ոլորտում: Զեկույցներով հանդես եկան 22 միջազգային և մեր հայրենակիցներից` 20 բանախոս, ովքեր կիսվեցին իրենց առաջատար փորձով ու հմտություններով:
Բացման խոսքով հանդես եկավ «Նիկոմեդ» ԲԿ-ի տնօրեն, Հայաստանի հեպատոլոգիական ասոցիացիայի նախագահ, բ.գ.թ. Հասմիկ Ղազինյանը:
«Հայկական լյարդաբանական ասոցիացիան ստեղծվել է 2007 թվականին, և այս տարի նշելու ենք 15-ամյակը: Լյարդաբանական ասոցիացիայի գործունեության հիմնական նպատակը մեր երկրում լյարդաբանության զարգացումն է, շարունակական կրթական գործունեության խթանումը, բոլոր շահառու կառույցների հետ համագործակցությունը երկրի ներսում և արտերկրում:
Այս գործունեության մեջ կարևոր է նաև միջոցառումների կազմակերպումը. 15 տարիների ընթացքում ասոցիացիան կազմակերպել է 6 միջազգային գիտաժողով, որոնցից 2-ն անդրկովկասյան`Թբիլիսիում:
Կարևորված էր նաև Լյարդի հիվանդությունների հետազոտությունների ասիական միջազգային ասոցիացիայի նախաձեռնությամբ կազմակերպված միջազգային գիտաժողովը` մեր երկրում:
Միջազգային ասոցիացիայի նախաձեռնությամբ սա թվով երկրորդ միջազգային գիտաժողովն է:
Այս գիտաժողովը նվիրված էր լյարդի ոչ վարակիչ համաճարակին, այսինքն, լյարդի ոչ ալկոհոլային ճարպային հիվանդությանը, ինչը բավականին լուրջ խնդիր է՝ տնտեսական, առողջական ծանր բեռով և խիստ տարածվածությամբ:
World Hepatitis Day
Հեպատիտի դեմ պայքարի միջազգային օր ( World Hepatitis Day), որը նշվում է հուլիսի 28-ին Հեպատիտի դեմ պայքարի միջազգային շարժման նախաձեռնությամբ և հովանավորությամբ։ Հիմնական առաքելությունը վիրուսային հեպատիտների դեմ պայքարն է և ազգաբնակչության իրազեկվածության մակարդակի բարձրացումը։
Նիկոմեդ ԲԿ կազմակերպում է բաց դռների օր և անվճար խորհրդատվություն։
Լյարդի ոչ ալկոհոլային-ճարպային հիվանդություն (ԼՈԱՃՀ)
Non-alcoholic fatty liver disease (NAFLD)
2018 թվականից հունիսի 12-ը համարվում է Լյարդի ոչ ալկոհոլային-ճարպային հիվանդության միջազգային օր։
Լյարդի ոչ ալկոհոլային ճարպակալումն իր բազմաթիվ կլինիկական ձևերով համարվում է 21-րդ դարի էպիդեմիա:
Հիվանդությունը համարվում է լուրջ մարտահրավեր ամբողջ աշխարհում, ներառյալ Հայասստանի Հանրապետությունում։
Աշխարհի բնակչության 25-30 տոկոսը տառապում են լյարդի ոչ ալկոհոլային ճարպային հիվանդություններից: Ցավալին այն է, որ երեխաների մոտ ևս այն տարածված է։ Հայաստանը և ընդհանրապես տարածաշրջանի երկրներն այս դեպքում ևս գտնվում են առաջատար դիրքերում:
Լյարդի ճարպակալման առավել տարածված ռիսկի գործոններն են ավելորդ քաշը, շաքարային դիաբետը, արյան բարձր ճնշումը: Հիվանդությունն առավել հաճախակի հանդիպում է 45 տարեկանից հետո:
Լյարդը ճարպակալված է համարվում, երբ կենսական օրգանի քաշի 5 տոկոսից ավելին կազմում է ճարպը: Ռիսկի գործոներն են ոչ ֆիզիկական ակտիվությունը, սխալ սնվելը:Մարդը պետք է օրական մի քանի անգամ սնվի, մինչդեռ շատերը ուտում են օրը մեկ անգամ, ընդ որում՝ ուշ երեկոյան: Օրական 30 գրամ ալկոհոլի օգտագործումը ևս կարող է ճարպակալման հանգեցնի
Լյարդի ճարպակալումից խուսափելու համար խորհուրդ են տալիս օրական սնվել 3-4 անգամ, վարել ֆիզիկական ակտիվ կենսակերպ, հարկավոր է խուսափել նաև ճարպոտ ու քաղցր սննդամթերքից և հարստացնել սննդակարգը մանրաթելեր ու առողջարար ճարպեր պարունակող մթերքով:
Նիկոմեդ ԲԿ-ի ծառայությունը կայանում է մշտական իրազեկությունը։